MEIRAMA.- Alí, na estación de ferrocarril xa pechada á circulación de trens, estiven con Daniel antes de ir ó aeroporto da Coruña pra coller o avión a Londres. Lembrando aqueles anos infantís e tendo toda clase de sensaciós. Voltar ollar a estación onde moramos catro anos, ver a cantina clausurada que lembraba con moito ambiente. En fin, de cando en vez está ben acudir a lugares onde pasamos unha etapa da vida e notar as sensaciós nostálxicas e a maxia perdida.